Abrobey - Bu poyga men oynagan poyga

Bu poyga — men oʻynagan poyga,
Pichoqsiz soʻygan,
Ertakmas, bor gap,
Isbot bor soʻralgan joyiga.

Orqasi bor begʻubor,
Qogʻozga xumor,
Iblis qurgan bozor,
Olovga navbat qator-qator.
U sotadi, biz olamiz,
Hammamiz xaridor.
Atrof toʻla ayyor,
Bugun ming xil turda qimor.

Tugamasdi ertalabgacha jumboqli savollarim,
Faqat yomon xayollarim, yorugʻ kunni koʻrolmadim.
Qaniydi kelsa uyqu, shu zahot uxlab qolardim,
Halovatni bersa kreditga, shuniyam olardim.

Yolgʻizlik tuyiladi juda uzoq,
Abadiymas, hammasi oʻtib ketadi.
Hayot barchaga qoʻyadi tuzoq,
Aylanib oʻtmasang, yutib ketadi.