Yurib xayot yo'lidan
Kezib o'ngu so'lidan
Azroilning qo'lidan
Tutmog'im bor bir kuni
Qilmasdan hech sabrdan
Jonga qilma jabrda
Ikki enlik qabrda
Yotmog'ing bor bir kuni
Eshitmas seni hechkim
Indamay yotarsan jim
Bir umrga jonni taslim
Qilmog'ing bor bir kuni
Gunohlarga botmagin
Nafs poyida yotmagin
Hali sirot ko'prikdan
O'tmog'ing bor bir kuni
Qaro qabrda joylab
Bilmam necha yil oylab
Qiyomat kunni poylab
Yotmog'ing bor bir kuni
Bilsang ojiz bandasaney
Jon omonat tandasan
Omonatni egangga
Tutmog'ing bor bir kuni
G'am chekma bunda talay
Arzimaydi har qalay
Yog'och otda indamay
Ketmog'ing bor bir kuni
Qalbingni qilma toshdek
Egilma mag'rur boshdek
Qaytib chiqmas quyoshdek
Botmog'ing bor bir kuni
Ollohdan so'ra faqat
Ayla mehru muhabbat
Nasib qilsa jannatga
Kirmog'ing bor bir kuni
