Гулшайыр Керимбаева - Периштем

Санаалар уюп, сайылып канжар сезимге
Сагыньп сени, саргайып жүргөн кезимде
Ак толкун болуп, ак шоокум болуп
Көрүнчү мага, периштем
Ак толкун болуп, ак шоокум болуп
Көрүнчү мага, көрүнчү мага периштем

Көңүлүм эңсеп тайызды эмес, тереңди
Түндүктүн суугу турганда каптап денемди
Аскарым болуп, ак жалын болуп
Жылытчы мени, периштем
Аскарым болуп, ак жалын болуп
Жылытчы мени, жылытчы мени периштем

Чарчадым эми дайыма тынбай сени издеп
Турамын азыр кабагым бүркөө, сени эңсеп
Ак таңым болуп, ак шамым болуп
Түшүмө кирчи, периштем
Ак таңым болуп, ак шамым болуп
Түшүмө кирчи, түшүмө кирчи периштем
Түшүмө кирчи периштем