Асылбек Асан - Апакем

Күн нурундай күлмүңдөгөн жамалың,
Күлүп дайым, бүркөлбөсүн кабагың.
Өзгөрсөм да өзгөлөргө күн сайын,
Өзүң үчүн өмүр бою баламын.


Кайырма:

Апакем ай, аппак таңдай,
Жарык чачып турчу шамдай.
Апакем ай, сөзүң балдай,
Сенин барың бакыт кандай?


Бардыгынан артык мага мээримиң,
Бапестемек апа сендей мени ким?
Ай-ааламды бөлөп турган мээримге,
Апаларды аман кылсын Теңирим!