Özündən, sözündən qaldım uzaqda,
Sən yoxkən gülmədi üzüm cahanda.
Anladım mən bunu sən olmayanda,
Sən demə səninlə gözəlmiş dünya.
Anladım mən bunu sən olmayanda,
Sən demə səninlə gözəlmiş dünya.
Necə darıxıram sözlərin üçün,
Baxışın, gülüşün, gözlərin üçün.
Bilirəm bunların hamısı nə üçün,
Sən demə səninlə gözəlmiş dünya.
Dünya, dünya səninlə gözəldi dünya
Dünya, dünya səninlə özəldi dünya
Sanırdım unudub sevərəm yenə,
Bunun üçün yoxluğun köməkdir mənə.
Amma ki, bağlandım daha çox sənə,
Sən demə səninlə gözəlmiş dünya.
Amma ki, bağlandım daha çox sənə,
Sən demə səninlə gözəlmiş dünya.
Hər yanı bürüyüb xatirələrin,
Başımda səslənir sənin sözlərin.
Nə etsəm silinmir, getmir izlərin,
Sən demə səninlə gözəldi dünya.
Dünya, dünya səninlə özəldi dünya
Dünya, dünya səninlə gözəldi dünya
