Elnur Yasamal - [Şeir] Barışan deyiləm incimə mənnən

Gəzməyə gəlmisən şəhərimi sən?
Yoxsa hiss etməyə qəhərimi sən?
Soruşma dərdimi kədərimi sən
Danışan deyiləm incimə mənnən

İstəyirsən dostun arzuya cata?
Süz icək baxmayaq gəl camaata
Daha bunnan sonra ayıq həyata
Alışan deyiləm incimə mənnən

Nə həyat gördüm xoş nə gün əməlli
Hecnədən tapmıram inan təsəlli
Gedənə qal deyib mən iki əlli
Yapışan deyiləm incimə mənnən

O yar başqa yerdə məkandadırsa
Başqa fikirdədir gümandadlrsa
Üz vurma, indi o hayandadırsa
Soruşan deyiləm incimə mənnən

Aşiqin üzünə gül deməyəcəm
Sənə talehimi bil deməyəcəm
Mən ona zəng edib gəl deməyəcəm
Barışan deyiləm incimə mənnən